Andre uregelrette verb
Dei fleste spanske verba får endinga -o i presens når vi bøyer dei i første person eintal (yo). Men det finst to typar verb som ikkje følger denne regelen.
-go-verb
Åtte av dei mest brukte spanske verba sluttar på -go i første person eintal (yo). I alle dei andre personane bruker vi dei vanlege endingane.
Desse verba er: decir (å seie), hacer (å gjere), oír (å høyre), poner (å setje / å legge), salir (å gå ut), tener (å ha / å få), traer (å ta med / å ha med seg) og venir (å komme).
decir | hacer | oír | poner | salir | tener | traer | venir | |
|---|---|---|---|---|---|---|---|---|
e → i | e → ie | e → ie | ||||||
yo | digo | hago | oigo | pongo | salgo | tengo | traigo | vengo |
tú | dices | haces | oyes | pones | sales | tienes | traes | vienes |
él, ella, usted | dice | hace | oye | pone | sale | tiene | trae | viene |
nosotros/as | decimos | hacemos | oímos | ponemos | salimos | tenemos | traemos | venimos |
vosotros/as | decís | hacéis | oís | ponéis | salís | tenéis | traéis | venís |
ellos/as, ustedes | dicen | hacen | oyen | ponen | salen | tienen | traen | vienen |
¡OJO!
Verbet decir er òg eit verb med vokalskifte.
Verba tener og venir er òg diftongerande verb.
Når vi bøyer verbet oír, blir i-en til y i andre og tredje person eintal (tú og él, ella, usted) og i tredje person fleirtal (ellos/as, ustedes). I første person fleirtal (nosotros/as) får verbet òg ein aksent på i-en.
-zco-verb
Mange spanske verb som sluttar på -cer eller -cir i infinitiv, får endinga -zco i første person eintal (yo) presens. Elles bøyer vi desse verba som vanleg.
ofrecer (å tilby) | introducir (å introdusere) | |
|---|---|---|
yo | ofrezco | introduzco |
tú | ofreces | introduces |
él, ella, usted | ofrece | introduce |
nosotros/as | ofrecemos | introducimos |
vosotros/as | ofrecéis | introducís |
ellos/as, ustedes | ofrecen | introducen |
Øving 1: Bøy verba
Bøy verba salir (å gå ut), tener (å ha), conocer (å kjenne) og traducir (å omsetje).
Verba ser (å vere), estar (å vere) og ir (å gå, å dra) sluttar på -oy i første person eintal (yo). I tillegg har desse verba fleire irregularitetar.
Sidan ser, estar og ir er blant dei ti mest brukte verba på spansk, er det spesielt viktig at du lærer bøyinga utanåt.
Både ser og estar betyr "å vere", men dei kan ikkje brukast om kvarandre. Du kan lære meir om bruksområda for desse verba i artikkelen om ser, estar og hay.
ser (å vere) | estar (å vere) | ir (å gå, å dra) | |
|---|---|---|---|
yo | soy | estoy | voy |
tú | eres | estás | vas |
él, ella, usted | es | está | va |
nosotros/as | somos | estamos | vamos |
vosotros/as | sois | estáis | vais |
ellos/as, ustedes | son | están | van |
¡OJO!
Dei fleste formene av estar har aksent. Det er veldig viktig at du hugsar å ha han med når du bøyer. Utan aksent kan det bli betydningsforskjell.
Andre person fleirtal (vosotros/as) av verba ser og ir har ikkje aksent.
Verbet dar (å gi) sluttar òg på -oy i første person eintal (yo), og i andre person fleirtal (vosotros/as) har det ikkje aksent. Elles blir dette verbet bøygd regelrett.