Eit nettverkssamarbeid er når to eller fleire bedrifter samarbeider regelmessig, og alle har eit felles mål om vekst og verdiskaping. Dei finn saman for å styrkje utviklinga i fellesskap.
Næringsklynger
Ei næringsklynge er eit nettverk av små og store bedrifter i same bransje. I nokre klynger flyttar bedriftene kontora sine til ein kontorfellesskap, mens andre samarbeider utan å vere samlokaliserte.
I ei næringsklynge samarbeider bedriftene tettare enn i eit bransjenettverk. Forskjellen på eit bransjenettverk og ei næringsklynge er at næringsklynger ofte består av ulike bransjar, som til dømes entreprenørar, industri, offentlege aktørar, forsking og utvikling.
Eit døme på ei næringsklynge er Eyde-klynga på Agder. Visjonen deira er:
å sikre tilvekst og konkurransedyktig norsk prosessindustri som opererer innenfor naturens tålegrense. I fellesskap streber vi etter at bedriftene skal gi positivt bidrag tilbake til samfunnet og naturen.
Andre former for klyngesamarbeid er hub og tenketank, òg kalla tankesmie. Her samlast bransjar og næringar i små fellesskap for å generere tankeprosessar om framtid og utvikling.
Profesjonell og fagleg utvikling
Den største fordelen med å vere med i eit profesjonelt nettverk, ei klynge eller ein hub er at alle har same målsetjing. Det handlar om berekraftig utvikling og vekst. Det blir arrangert ulike kurs, samlingar og konferansar som medlemmene kan delta på. På denne måten kan dei styrkje si eiga faglege utvikling og kompetanse, samtidig som dei vidareutviklar bedrifta si.