Oppgave
Utforsk produktsortimentet
For verksemder er det fleire val å ta når det gjeld sortimentet. Skal dei satse i breidda, i djupna eller begge delar? I denne oppgåva skal du mellom anna utforske produktsortimentet i tre butikkar.
Bilete: Hilde Hennes / CC0
- Forklar omgrepa produktsortiment, sortimentsbreidd og sortimentsdjupne. Forklar kva som blir meint med konsistens mellom produktgrupper.
- Vel deg ut tre butikkar som sel den same typen produkt, til dømes tre matbutikkar eller tre klesbutikkar. Utforsk produktsortimentet i dei tre butikkane. Vurder sortimentsbreidda, sortimentsdjupna og konsistensen mellom produktgruppene i dei tre butikkane. Kvifor trur du butikkane er like/ulike i sortimentet sitt?
- Diskuter den følgjande påstanden:
«Det er om å gjere for alle verksemder å ha så stor sortimentsbreidd og sortimentsdjupne som mogleg.»