Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

Litteraturen blir forma av forfattarar, og han blir prega av tida han blir skriven i. Lær om utviklinga gjennom tidene, om litterære retningar og om forfattarane. Det er dette som er tekstane sin kontekst.

Modernisme er eit samleomgrep for ei rekkje ulike retningar og stilartar innanfor kunst, arkitektur, litteratur og musikk som har prega vestleg kultur frå rundt år 1900 og framover. Den modernistiske litteraturen eksperimenterer med form, og tekstane skildrar gjerne kjensla av å vere framandgjord.

Modernismen hadde høgdepunktet sitt på 1900-talet, og då særleg etter første verdskrigen. Men allereie på 1800-talet eksperimenterte målarar og kunstnarar med form og innhald på ein måte som liknar dei modernistiske stilretningane på 1900-talet.