Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

Litteraturen blir forma av forfattarar, og han blir prega av tida han blir skriven i. Lær om utviklinga gjennom tidene, om litterære retningar og om forfattarane. Det er dette som er tekstane sin kontekst.

Realisme er eit omgrep som er knytt til ulike litteraturhistoriske periodar frå midten av 1800-talet og fram til i dag. I tillegg bruker vi ordet om ein skrivestil og om eit syn på forholdet mellom kunst og verkelegheit.

Det blei gitt ut både realistisk og modernistisk litteratur i Noreg etter krigen. Mange forfattarar skreiv psykologisk-realistiske skildringar, men somme skreiv òg samfunnskritisk. På 70-talet var det særleg ideologiane kommunisme og feminisme som prega realistiske tekstar.