Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

Litteraturen blir forma av forfattarar, og han blir prega av tida han blir skriven i. Lær om utviklinga gjennom tidene, om litterære retningar og om forfattarane. Det er dette som er tekstane sin kontekst.

Realisme er eit omgrep som er knytt til ulike litteraturhistoriske periodar frå midten av 1800-talet og fram til i dag. I tillegg bruker vi ordet om ein skrivestil og om eit syn på forholdet mellom kunst og verkelegheit.

Den realistiske litteraturen dominerte norsk litteratur første halvdel av 1900-talet. Mykje av litteraturen som blei gitt ut fram til 1930, kallar vi for "nyrealistisk". Det var tradisjonell litteratur som ofte handla om etiske problemstillingar. Også lyrikken var prega av tradisjonalistisk stil.