Språk- og litteraturhistorisk tidslinje
Gå inn i dei ulike tidsperiodane i tidslinja og lær meir om tida som tekstane du jobbar med, har blitt skrivne i: Kva skjedde i samfunnet, og korleis påverka det som skjedde, språket og litteraturen? Kva for forfattarar var sentrale, og kva var dei opptekne av?
Opne i nytt vindaugeTidslinja skal hjelpe deg til å få ei oversikt over sentrale retningar, personar og hendingar i norsk språk- og litteraturhistorie. Litteraturhistorie handlar ikkje om å pugge ei mengde årstal og periodar – målet er å forstå korleis endringar i samfunnet påverkar både språk og litteratur. Periodeinndelingane og årstala er berre eit hjelpemiddel til å sortere informasjonen. Du skal prøve å forstå kva som skjer, og kvifor.
Bruk tidslinja med eit kritisk blikk
Ved å jobbe med oppgåvene vi har lagt inn nedst på sida, vil du få større innsikt i delar av norsk kulturhistorie. I tillegg ønsker vi at du skal reflektere over kva som kan vere problematisk med ei slik tidslinje:
Kvifor har periodane fått dei namna dei har?
Kva med årstala? Startar og sluttar ein tendens verkeleg ved eit hundreårsskifte, eller ved eit tiår?
Kva for forfattarar har fått plass her, og kvifor? Er det andre forfattarar som (også) burde ha vore med?
Kvifor står det mindre informasjon dess nærare vi kjem vår eiga tid?