Oppgave
Skal – skal ikkje?
Om varslarsaker og presseetiske vurderingar rundt bruk av anonyme kjelder.
Video: Jone Nikolai Nyborg, Kristin Eriksen Vold / CC BY-NC-ND 4.0
Tarjei Leer-Salvesen arbeider som researchar i Brennpunkt i NRK. I dette intervjuet fortel han om ein situasjon der redaksjonen blei varsla av ein tilsett i helsevesenet, og dei vala han som journalist måtte ta.
Tenk deg at du jobbar i Brennpunkt-redaksjonen.
- Kva for konsekvensar ville det kunne få dersom du gjekk ut med denne informasjonen?
- Kva for konsekvensar ville det kunne få dersom du lét vere å formidle denne informasjonen?
Du har bestemt deg for å dekkje saka.
- Korleis vil du gå fram for å skaffe videobilete frå pasientbehandlinga?
- Kva for presseetiske spørsmål reiser bruk av slike bilete?
Tenk deg at Helsedirektøren tek kontakt med deg for å få namnet på den personen som varsla deg om tilhøva. Du får beskjed om at det er nødvendig, dersom styresmaktene skal kunne gjere noko med saka.
- Kva vil du gjere då? Grunngje valet ditt.