I grønveggproduksjonar gjer du videoopptak av skodespelarar eller objekt framfor ein belyst grøn vegg, duk eller anna grøn flate. Det grøne på opptaket blir fjerna i ei programvare på ei datamaskin. Så blir filmopptaket sett inn i scenografien.
1. Tenk over
Korleis tenkjer du det er for skodespelarane
- å spele utan å sjå kvar dei er?
- å spele mot ein virtuell karakter ?
2. Diskuter i grupper
- På kva for måte er det annleis å vere skodespelar med grønskjerm enn å spele i vanleg film?
- Kva for fordelar er det med produksjon av grønskjerm?
- Kva for ulemper finst?
3. Sjå klipp fra filmen The Matrix
Sjå denne skytescena frå filmen The Matrix (YouTube).
Sjå også opningsscena frå The Matrix (YouTube).
Korleis er kvar av scenane bygd opp?
Kor mange klipp består scenane av?
Kva for biletutsnitt blir brukt?
Verkar det truverdig? Det er lov å svare både ja og nei. Skriv ned argument.
Ja, fordi:
Nei, fordi:
4. Diskuter i klassen
Méliès sine filmar frå byrjinga av 1900-talet kan verke banale når vi ser på dei i dag. Matrix-effektane er blitt vanlege.
- Kor går utviklinga?
- Kva skjer til dømes i spelverda med tanke på utvida verkelegheit (augmented reality), VR-briller og blandinga av 3D og verkelegheit?
- Kvifor bruker vi effektar, og kva for fordelar og ulemper har vi ved produksjon av visuelle effektar?
Månelandinga i Méliès "Reisen til månen" (A trip to the moon) frå 1902 (YouTube).
Frå opptaka av scenen "Bullet time" i The Matrix (YouTube).