Oppgåve
Lag ein køyreplan
Gå saman i små grupper. De skal planleggje første del av eit TV-program ved å nytte eit planleggingsverktøy kalla «køyreplan».
I fleire år var "Skavlan" Skandinavias største talkshow. Bilete: Sandberg, Fredrik / CC BY-NC-SA 4.0
De skal organisere dei første 10–15 minuttane av eit kjent talkshow eller aktualitetsprogram, eller finne på eit eige konsept. Køyreplanen må innehalde tider for når desse elementa skal på:
- vignetten
- programleiar som ønskjer velkommen
- framkomsten til gjestene
Hugs å leggje til rette for ei veksling mellom «live» i studio og innslag (eks. reportasjar).
Her finn de eit eksempel: Kjøreplan- eksempel fra Skavlan
Filer
Her finn de ein mal: Kjøreplan
Filer
- Kjøreplan(PDF)
- Kva er fordelane ved å bruke ein køyreplan i planlegginga av eit TV-program?
- Kva er ulempene?
- Kvifor er det nødvendig å planleggje ein TV-produksjon?
Kva har de lært?
Byt køyreplan med ei anna gruppe. Vurder planane til kvarandre.
Gi tilbakemelding!
Gi kvarandre tilbakemelding i form av to stjerner og eitt ønske:
Sei to ting som er bra med køyreplanen til den andre gruppa, og éin ting som kunne vore betre.