Arbeidsoppdrag
Lag eit nyheitsinnslag til TV-nyheitene
Det har skjedd ei trafikkulykke, og de skal dekkje denne hendinga.
Finn ut kva som har skjedd, og få saka klar til sending! Bilete: Gorm Kallestad / CC BY-NC-SA 4.0
Finn ut kva som har skjedd, og lag ei vinkling på saka. Tida på ulykkestaden er berre 30–45 minutt, så det gjeld å bruke tida godt!
Til redigering av saka får de fire skuletimar. Hugs at nyheitssendinga startar nøyaktig ved deadline. Det har lita hensikt å levere reportasjen når nyheitssendinga er ferdig!
Krav til oppgåva
Alle krav til nyheitsformidling på TV gjeld for denne oppgåva. I tillegg blir det kravd:
- Det skal vere skriftleg headline i starten av sendinga.
- De må lage skriftleg forslag til intro som nyheitsankeret skal lese før saka blir send.
- Alle personar som er med i saka, skal ha korrekt super.
- Reportasjen skal innehalde intervju med minst to personar.
- Alle innslag skal filmast (intervju, innklippsbilete, osb.).
- Opptaka skal ha god lyd.
- Lengda på den ferdigredigerte reportasjen skal vere 1 minutt og 30 sekund.
Hugs å følgje god presseskikk, og lykke til!