Debattar om naturbruk
Det er mange meiningar i samfunnet knytte til matproduksjon, dyrehald og korleis vi skal forvalte naturen vår. Alle som jobbar i eit naturbruksyrke, må forhalde seg til at det er ulike meiningar i samfunnet om korleis naturbruksnæringane skal drivast.
I emnet delta i samfunnsdebatten finn du artiklar, filmar, oppgåver og aktivitetar knytte til ulike aktuelle problemstillingar rundt natur, matproduksjon og dyrehald.
Desse spørsmåla jobbar vi med i dette emnet:
Kva debattar går føre seg i samfunnet om naturbruksnæringane?
Bør vi som yrkesutøvarar innan naturbruk delta i desse debattane?
På kva måte kan vi delta i slike debattar?
Korleis opptrer vi som yrkesutøvarar i debattar som gjeld næringa vår?
I verktøykassa finst fagstoff om kommunikasjon, debatt og dialog (ndla.no) Her er det ressursar som kan vere nyttige i arbeidet med dette emnet.