Arealmål vi bruker i landbruket
I daglegtale bruker vi arealmålet mål synonymt med arealmålet dekar (da). Eit dekar er definert til 1000 m2 og er ei offisiell norsk måleining i forskrift om måleenheter og måling.
Dekar (forkortet daa, nokre gonger da) kjem av deka, som er 10, og ar, som er 100 m2. Noreg er eit av få land som enno bruker dekar som arealmål i landbruket. I andre land bruker dei hektar, som betyr 100, og ar, som er 100 m2. 1 hektar er 10 000 m2.
Historiske arealmål
I 1875 vart det metriske systemet innført i Noreg (SI-systemet). Før denne tida var lengdeeiningar som tomme, fot, alen og famn vanlege omgrep. I landbruket brukte ein gjerne eininga "mål". 1 mål var definert som ¼ "tønneland" eller 10 000 fot. 1 fot var ved lov av 1824 definert til 31,375 cm. Rekna om til SI-standarden i dag er derfor 1 mål lik 984,39 m2. Eit mål eller ein mæling er ikkje offisielle måleiningar.
Å berekne storleiken på eit jordstykke
Det er viktig å kunne rekne ut storleiken på eit jordstykke eller ein jordteig. Vi må vite arealet for å kunne berekne kor mykje gjødsel, såfrø eller kalk som skal til. Det er ikkje alltid vi har ein GPS for handa. Når du skal berekne areal, får du bruk for det du har lært i matematikk.
Repeter definisjon og måleiningar for areal