Blyglashandverkarfaget handlar om å skjere til glas og innfatte desse i bly- eller messingprofilar. Dette blir gjort ved hjelp av smelta tinn og lodding.
Lærlingane skal gjennom praktisk arbeid med tradisjonelle teknikkar utvikle kunnskap om materiale og stilartar i arkitektur- og kunsthistoria. Faget skal setje dei i stand til å utføre tradisjonelt blyglashandverk for å utsmykke offentlege og private rom.
Eigenskapar
Som blyglashandverkar bør du ha god form- og fargesans, vere kreativ og ha eit godt handlag for å skape nye glasformer og dekorasjonar.
Utdanning
Fleire fag innan design og tradisjonshandverk har ikkje eit skuletilbod, men opplæring i bedrift etter Vg1. Desse faga blir kalla særløp. Blyglashandverkarfaget er eitt av særløpa, der du går tre år i lære etter Vg1 handverk, design og produktutvikling. Fullført og bestått opplæring fører fram til sveinebrev. Yrkestittelen er blyglashandverkar.
Kjelde
Utdanningsdirektoratet. (2021). Læreplan i blyglassmakerfaget (BLY3-01). https://www.udir.no/kl06/bly3-01