Lim og spikar
Å bruke trelim og spikar er den enklaste måten å samanføye tre på. Ved bruk av spikar er det viktig å felle ned spikarhovudet, slik at han ikkje stikk opp frå overflata.
Skruing
Det er lurt å forbore, slik at treet ikkje sprekk når du skal skru i enden av ein planke. For å søkke skruehovudet kan du bruke drill.
Plugging
Du kan bruke open gjennomgåande eller skjult plugg saman med trelim. Synlege pluggar kan brukast dekorativt.
Kryssfelling
Ved kryssfelling senkar du den eine planken i den andre ved å felle inn spor.
Fingerskøyt
I ein fingerskøyt freser eller sagar du ut «fingrar» som passar i kvarandre, i enden av begge trestykka. Påfør lim før stykka blir pressa saman.
Sinking
Sinking er ei form for fingerskøyt. Det er ei sterk samanføying du kan bruke når du skal setje heiltre saman i vinkel. Sambandet held trevirket stabilt.
Gjennomsink
Gjennomsink blir brukt til å setje saman skrog til skap eller liknande. Samanføyinga er synleg på begge sider og fungerer òg som dekorativt element.
Svalehale
Når tappane i samanføyinga har skrå sider, liknar forma på halen til ein svale. Teknikken blir derfor også kalla svalehale.
Fordekt sink
Fordekt sink blir brukt i skuffer og skapskrog der sinken er usynleg frå utsida. Den blir òg kalla skjult sink.
Relatert innhald
Nettside hos khdele.no
Nettside hos khdele.no