Arbeidsform: Individuell
Tid: Ca. 8 skuletimar
Forarbeid: Presentasjonen til Johan Sandås om Basisformer 2D
Filer
I denne oppgåva er temaet smykkedesign. Hovudtanken er at du skal lære meir om todimensjonal form og estetiske verkemiddel ved hjelp av formelement. Det er viktig å ha ein god designprosess og å dokumentere prosessen undervegs.
Designprosess
Når du har fått sett gjennom presentasjonen til Johan Sandås, skal du lage skisser der du viser korleis du har jobba med ei geometrisk eller organisk form med:
- forskyving
- overlapping
- spegelvending
- rotering
- gjentaking
- gruppering
- tekstur
- positiv og negativ form.
Ved å gjere dette har du eit godt grunnlag for å designe din eigen smykkekolleksjon. Smykka bør ikkje vere for små eller ha for mange detaljar. Dei må ha ei samanhengande form fordi det flytande tinnet må kunne renne ut i alle krikane av smykket.
Arbeidsprosess:
- Lag gipsform.
- Designprosess/ skisseprosess, sjå over.
- Teikn valt form over på gipsforma.
- Grav ut forma. Pass på å lage ei trekt og luftekanalar viss du skal støype i lukka form.
- Støyp smykket.
Det som skal leverast inn er
- skissebok med prosessen (inkludert forkasta idear) og argument for val
- digitale bilete der du dokumenterer arbeidsprosessen og det ferdige resultatet
- ferdig smykkekolleksjon
- dokumentasjon av arbeidet ditt med dokumentasjonsverktøyet
Relatert innhald
Nettside hos snl.no