Lag eit smykke til deg sjølv
Bli samd med læraren din om kor lang tid de kan bruke på arbeidsoppdraget. Planlegg produktet og arbeidet ditt ut frå tidsramma og kva materiale og verktøy de har tilgjengeleg.
Vel kva teknikkar du vil kombinere:
Idéutvikling
Start med å finne ut kva slags smykke du kan tenke deg. Skal det fortelje noko om deg eller stilen din? Lag mange raske skisser, der du prøver ut ulike idéar.
Vel den idéen du er mest nøgd med, og lag ei presentasjonsteikning der du viser produktet sett framanfrå og frå sida.
Planlegging
Planlegg produktet og arbeidet ditt ut frå tidsramma. Bruk gjerne eit skjema til å planlegge tida di. Du vil nok erfare at ikkje alt går heilt etter planen. Ta dette med i dokumentasjonen og planlegg vidare korleis du skal fullføre arbeidet innan fristen.
Planlagt arbeid | Planlagd tid | Avvik i tid | Kommentar |
|---|---|---|---|
Gjennomføring
Lag produktet med presisjon og nøyaktigheit.
Presentasjon
Planlegg korleis du kan vise fram det ferdige smykket på ein god måte. Få hjelp til å ta bilete av at du har smykka på deg. Rediger gjerne fotografiet i eit biletbehandlingsprogram etterpå.
Vurdering
Vurder kvaliteten på arbeidet ditt:
Korleis har du brukt teknikkar og materiale?
Kva synest du om det estetiske uttrykket i smykket?
Korleis er det å ha på seg smykka?
Korleis fungerer dei tekniske løysingane, til dømes låsemekanismar, anheng eller liknande?
ferdig smykke og bilete av deg sjølv med smykket ditt på deg
idéskisser og ei presentasjonsteikning som tydeleg viser smykket
eigenvurdering av arbeidsprosessen din og det ferdige produktet
tidsplan med kommentarar