Hopp til innhald

Fagstoff

Fileteknikk

Filing er ein teknikk som blir brukt for å stramme opp overflater og boger. Filteknikken blir òg brukt til å tilpasse delar som skal monterast saman.
Begrensa bruk
Video: Morten Andreassen

Verktøy

Filer

Filer blir brukte til å tilpasse delar, justere etter saging eller for å fjerne overskotsmateriale. Det finst mange ulike typar filer på marknaden. Det som skil dei, er storleik, lengd, grovskap og fasong.

Filer med ulik form og kutt. Illustrasjon.
Opne bilete i eit nytt vindauge
Vel eit verktøy som passar forma du skal file.
CC BY-NC-ND
Bilete: Lars Drage

Filnagel

Ein filnagel er ein trekloss som du festar i arbeidsbenken. Den kan du bruke til å støtte arbeidet under filing og saging.

Fileteknikk

Legg arbeidet støtt og vel ei fil som passar til forma du skal file. Bruk til dømes ei rund eller halvrund fil viss du skal pusse på innsida av ein ring, medan flate overflater skal filast med flatfil.

Du bør bruke heile lengda av fila når du filer. Legg press på ho når du skyv ho framover, altså frå deg. Når du trekkjer fila tilbake, har ho liten eller ingen verknad.

Relatert innhald

Smergling

Smergelpapir er eit papir eller lerret med slipemiddel som blir brukt til å pusse og polere metall. Teknikkane for å smergle og file er ganske like.

CC BY-NC-NDSkrive av Geo von Krogh, Øystein Johan Østby og Pål Atle Lystad. Rettshavar: Solum Bokvennen
Sist fagleg oppdatert 04.02.2021

Læringsressursar

Teknikkar i metallarbeid