Arbeidsoppdrag
Å støype ein vase
I denne oppgåva skal du lage ein liten vase i keramikk. Du skal gjennomføre ein prosess frå idé til ferdig produkt. Materiala du skal bruke er kvitleire, flytande støypeleire og gips.
Keramikkvase laga av Magne Kvilstad (ca. 1968). Bilete: Magne Kvilstad / CC BY-NC 4.0
Arbeidsform: Individuell
Tid: ca. 8 skuletimar
Vase med konveks form. Bilete: Hanne Merethe R. Staurland / CC BY-SA 4.0
- Skisseprosess: bruk tid på å finne ei enkel og fin form til ein liten vase. For å slippe å dele gipsforma i fleire deler, må du tenke på at forma kun skal ha konvekse former. Det vil seie at kurvene krummar seg utover. (Sjå illustrasjonen til høgre)
- Lage forma i kvitleire; ta utgangspunkt i skissa di og bygg opp den ytre forma i kvitleire. Du skal ikkje tenke på at vasen skal vere hol, ettersom dette berre er ei form som du skal bruke til å ha gips over.
- Lag gipsform; ta forma du har laga av vasen din og ha den ned i eit beger eller liknande. Lag gipsmasse og hell ned i begeret.
- Støype med flytande leire; når gipsforma er tørka kan du støype sjølve vasen. (Følg prosessen som du finn i lenkene under.)
Relatert innhald
Fagstoff
Støype i leireFordelen med å støype i leire er at du får tynne, fine gjenstandar som kan masseproduserast. Ta utgangspunkt i ei eksisterande form eller lag ei sjølv.
Fagstoff
Støyping av leire i gipsformNår du har laga ei gipsform, er det på tide og blande leire og gjennomføre støypeprosessen. Du kan f. eks. bruke flytande støypeleire i steingods.
- Skisseprosess
- Form og dekor
- Gjennomføring
- Orden på arbeidsplassen