Lyshus i keramikk

Inspirasjon

• Søk på lyshus og diskuter korleis de synest ulike design fungerer.
• Undersøk ulike former for arkitektur og la deg inspirere.

Idéutvikling

• Teikn raske idéskisser til ditt eige design på lyshus.
  Hugs at idéskisser handlar om å få idéar ned på papiret som eit notat, slik at du kan hugse og vidareutvikle idéane dine, og dessutan vise og diskutere dei med lærar og medelevar.
• Vel den beste idéen, og jobb med å vidareutvikle han. Eksperimenter med forma og plassering av vindauge på lyshuset.

Planlegging

• Lag ein nøyaktig modell ved å skjere ut delane i tjukt papir. Lim dei saman med maskeringtape, og vurder om du treng å gjere nokre justeringar på forma og plasseringa av vindauge. Test ut korleis modellen fungerer med lys inni, i eit mørkt rom. Ta bilete av modellen.

Gjennomføring

• Lag lyshuset i keramikk ved hjelp av plateteknikk. Kjevl ut plater i kvitt leirgods med chamotte i om lag 5 mm tjukkleik. Her kan du leggje 5 mm tjukke pinnar under kvar ytterkant av kjevla for å sjå til at leira får ein jamn tjukkleik. Malen legg du oppå leira, slik at du kan skjere ut veggar og vindauge. Det er viktig å halde leira fuktig ved å spraye ho med vatn, dekkje han med eit lag med fuktig avispapir og pakke ho inn i plast mellom kvar gong du jobbar med ho. Når alle veggar er skorne ut, blir dei sette saman ved å rispe opp skøyta og bruke slikkar (rennande leire) som lim. Tilpass taket til forma i huset, og monter det. Til slutt er det viktig å setje av tid til å jamne ut overflater og skøytar, før huset blir brent og blir glasert.

• Glaser lyshuset.
• Ta eit godt bilete av lyshuset med lys inni.

Eigenvurdering

• Vurder arbeidsprosessen din og produktet ditt.

• lyshuset
• bilete av modell og av det ferdige lyshuset med lys inni
• eigenvurdering