Plateteknikk
Plateteknikk er ein teknikk der du kjevlar ut plater i leire som du bruker til å konstruere med. Du kan kjevle leire og forme ho rundt ein gjenstand eller i ei form.
Det kan vere lurt å bruke eit stoff å kjevle på. Då unngår du at leira festar seg til underlaget, og det er lettare å snu leireplata og kjevle ho på begge sider. Når du kjevlar, kan bruke to like pinnar for å få ei jamn tjukn på plata.
Du kan leggje ei leireplate inn i ulike former. Slik kan du til dømes formgi skåler og fat.
Når platene er mjuke, kan dei formast og eignar seg til å lage sylindrar og bølgja former.
Når platene er lêrharde, blir dei stive og held betre på forma si. Då passar dei til å lage ting med rette former, slik som skrin og lyshus.
Relatert innhald
Lag ein telyshaldar ved hjelp av plateteknikk. Konsentrer deg først om å byggje forma. Etterpå kan du jobbe vidare med dekor og lage fleire ulike design.