Del 1: Inspirasjon og forarbeid
Innhent inspirasjon ved å sjå på dyr og skulpturar. Lag eit moodboard.
Vel kva dyr du vil ta utgangspunkt i, og utforsk kva slags stilling du vil at dyret skal ha.
Fotografer eller finn bilete av dyret frå ulike vinklar, slik at du får tilstrekkeleg informasjon om forma til dyret til å lage ein tredimensjonal skulptur.
Studer forma til dyret ved å lage raske skisser frå ulike vinklar.
Del 2: Eksperimentering
Lag prøvar i leire der du utforskar teksturar og dekorteknikkar. Du kan òg lage ein rask liten modell av skulpturen du vil lage.
Del 3: Planlegging
Lag ein plan for korleis du skal lage skulpturen og løyse tekniske utfordringar.
Del 4: Gjennomføring
Modeller skulpturen. Hugs at du skal forme ulike element, slik som auge og lepper. Ikkje teikn dei på leira.
Jobb mot å skape ein skulptur som fungerer frå alle vinklar.
Viss skulpturen er tjukkare enn 2 cm, bør han vere hol inni med eit lite lufthol gjennom leireveggen. Det kan du gjere ved å skrape ut eit holrom når figuren er lêrhard eller byrje med å forme figuren rundt ein ball med avispapir
Dekorer skulpturen.
Del 5: Vurdering
Vurder din eigen arbeidsprosess og det ferdige produktet:
Korleis har du utforska forma til dyret?
Korleis har du jobba med keramiske teknikkar?
Korleis har du eksperimentert målretta for å oppnå den forma, overflata, fargane og uttrykket som du ønskte?
Korleis fungerer forma og overflata av produktet sett frå ulike vinklar?
Innlevering
moodboard
skisser
utprøvingar
ferdig skulptur
eigenvurdering
