Absolutt programmering
Kva er absolutt programmering?
Absolutt programmering tek alltid utgangspunkt i eit fast nullpunkt i koordinatsystemet, og punkta du programmerer maskina med, er dei reelle punkta i koordinatsystemet.
På dei fleste maskinene kan du velje nullpunkt for koordinatsystemet, og det vanlegaste er at nullpunktet blir sett i eit hjørne av arbeidsemnet. Du angir så kvar i koordinatsystemet du ønsker at maskina skal bevege seg, og maskina kalkulerer avstanden sjølv.
G-kommando
Viss du ønsker å bruke absolutt programmering, fortel du dette til CNC-maskina med kommandoen G90. Maskina tek då alltid utgangspunkt i punktet du har angitt som programnullpunkt X0, Y0 (og eventuelt Z0).
Døme
La oss seie at maskina står i koordinatane X40 Y10 og skal flytte seg til koordinatane X50 Y20.
Koden du då må programmere, vil vere X50 Y20. Du fortel altså maskina at punktet ho skal bevege seg til, har koordinatane X50 og Y20. Då har du teke utgangspunkt i senterpunktet i koordinatsystemet for å definere punktet maskina skal flytte seg til.
Programkoden for bevegelse frå P1 til P2 er G90 X50 Y20.
Oppgåve 1
Kva trur du denne koden fortel maskina at ho skal produsere?
N01 G90
N02 X0 Y20
N02 X20 Y20
N03 X20 Y0
N04 X0 Y0
Svar
Eit kvadrat med sider på 20 millimeter
Oppgåve 2
Du skal no programmere ei verktøybane med rekkefølga A–B–C–D–E–F–A slik ho er vist i illustrasjonen, og du skal bruke absolutt programmering. Hugs at du står i punkt A ved oppstart, og pass på å skilje mellom positive og negative koordinatverdiar.
Du kan skrive koden heilt på eiga hand, eller du kan prøve deg på den interaktive øvinga nedanfor. Her drar du kodar og koordinatar i rett rekkefølge inn i dei tomme boksane til venstre.