For at ein kniv skal fungere godt, må han liggje godt i handa. Skaftet bør tilpassast i både lengd, tjukn og form. Knivbladet må formast ut etter kva funksjon kniven skal ha. I tillegg ønskjer kunden eit produkt som ser bra ut. Storleiksforholdet mellom dei ulike delane kallar vi proporsjonar.
Proporsjonar
Proporsjon betyr forhold. Når vi komponerer, tek vi stilling til kor store dei ulike elementa skal vere i forhold til kvarandre. I fleire handverk forheld du deg til visse proporsjonar.
Teknisk og optisk balanse
Ein blomsterdekoratør bør til dømes la 1/3 av høgda til buketten vere under bindepunktet og 2/3 over. Nokre gonger kan det også vere omvendt. På den måten oppnår ein optisk balanse.
Buketten må også ha teknisk balanse, slik at han ikkje veltar mot den eine sida i vasen.
Tredeling og det gylne snittet
Poenget med storleiksforhold er at heilskapen skal bli best mogleg. For å skape dynamikk i arbeidet kan du unngå midten og heller bruke tredelsregelen eller det gylne snittet. Dette vil då gi eit proporsjonalt forhold på 1 : 2.
CC BY-SASkrive av Hanne Merethe Riskedal Staurland.
Sist fagleg oppdatert 03.06.2022