Les gode essay skrivne av ungdom
Vi les i ulikt tempo. Derfor vel du sjølv kor mange essay du vil lese, men for å forstå sjangeren bør du lese minst to.
Jobb aleine
Vel eitt av essaya under. Les det og skriv ned kva sjangertrekk du la merke til. Det kan til dømes vere lurt å samanlikne essayet med to sjangrar du kjenner til frå før: artikkelen og lesarinnlegget. Kva skil essayet frå desse to sjangrane?
Les minst eitt essay til. Skriv ned kva likskapar du legg merke til i skrivestilen mellom dei to tekstane du har lese.
Var det nokon av tekstane du har lese til no som du likte godt? Forklar kvifor.
Relatert innhald
Les eit essay om russetid og kjærleik som fekk 6 til eksamen.
Les eit essay skrive av ein elev i vg3. Denne modellteksten handlar om påverknaden det engelske språket har på det norske.
Gå saman i grupper
Samanlikn svara dykkar på spørsmål a og b.
Skriv ned, punktvis, kva trekk de trur er typiske for essaysjangeren.
Samanlikn svara dykkar på oppgåve c. Likte de dei same tekstane? Diskuter kvifor de likte nettopp desse tekstane.
Reflekter:
Under ser de ein illustrasjon av forskjellen mellom essay- og artikkelsjangeren. Forstår de denne? Reflekter saman i grupper.
