Sprei glede
Vel det yrket som du vil jobbe innanfor.
Mange menneske går tur. Kanskje du kan lage eit skilt som formidlar noko artig? Barn som er kronisk sjuke og oppheld seg mykje på sjukehus, kan ikkje alltid ha så mykje besøk. Kan du lage ei uro som spreier glede? Kva med å plassere noko på overraskande stader som kan få fram smilet hos dei som vandrar forbi? Eller korleis kan du gjere eit grått og trist venterom om til ein behageleg og god stad å vere? Den største gleda du kan ha er å gjere andre glad!
Du skal bruke kunnskapar og evner du har tileigna deg i programfag. Temaet er felles for klassen, men du vel sjølv kva materiale og teknikkar du vil bruke når du skal utvikle eit produkt. Formuler di eiga oppgåve og beskriv kva slags produkt, teknikkar og materiale du vil jobbe med. Lag ein plan for arbeidet. Få rettleiing frå dei andre elevane eller læraren, og bidra sjølv med å rettleie medelevane dine.
Uansett kva produkt du skal lage, må du starte med å utvikle ein idé. Du må finne den framgangsmåten som passar til oppgåva di, og punkta under er ei rettleiing til kva som kan vere med i idéutviklinga. Når du er ferdig med idéutviklinga, ber du om tilbakemelding frå læraren eller ein medelev, før du går i gang med å produsere produktet ditt.
Avhengig av kva du vil lage, kan det vere aktuelt å ha med
- tankekart
- definisjon av målgruppe
- moodboard
- skisser
- fargepalett
- modell
- arbeidsteikning
Ta bilete undervegs og bruk fagord når du dokumenterer. Du skal forklare og grunngi dei vurderingane og vala du har gjort. Du skal dokumentere heile prosessen frå idé til ferdig produkt innanfor den yrkesretninga du har valt.
Dette skal vere med i dokumentasjonen: | Set kryss: |
|---|---|
Framside | |
Innhaldsliste | |
Innleiing | |
Idéutvikling | |
- tankekart | |
- definisjon av målgruppe | |
- moodboard | |
- skisser | |
- fargepalett | |
- modell | |
- arbeidsteikning | |
Eksperimentering | |
- utprøving av materiale | |
- utprøving av fargar | |
- utprøving av teknikkar | |
Produksjon | |
- gode eigne bilete med bilettekst | |
- produksjonsforklaring | |
- presentasjon av ferdig produkt | |
Eigenvurdering | |
Kjelder |
Du skal presentere oppgåva di. Bruk eit presentasjonsverktøy, til dømes PowerPoint. Hugs å bruke relevante faguttrykk og å grunngi vala dine fagleg. Del presentasjonen opp i ei innleiing, ein hovuddel og ei avslutning. Bruk gode bilete og stikkord til å presentere idéutviklinga di, eksperimenteringa di, arbeidsprosessen din og produktet ditt.
Forslag til disposisjon
Innleiing
Forklar kort kva oppgåva går ut på, og kva du skal snakke om i presentasjonen din.
Presenter kort korleis du har valt å arbeide med oppgåva og temaet.
Hovuddel
Presenter idéutviklinga din
Presenter eksperimenteringa di.
Presenter arbeidsprosessen din.
Presenter produktet ditt.
Avslutning
Gjer ei eigenvurdering.
