Filmen I de beste hjem
Filmen handlar om 16 år gamle Claude som imponerer læraren med tekstane han skriv. Gjennom ein serie skriveoppgåver kjem Claude med stadig fleire detaljar om livet til vennen Rapha.
Sjå filmen før du byrjar å jobbe med oppgåvene. Han varer i 1 time og 45 minutt..
1. Karakteren Claude
Skriv ein analyse av karakteren Claude. Karakteranalysen skal innehalde beskrivingar av
ytre og indre karaktertrekk
motivasjonane du meiner ligg bak handlingane til Claude
korleis han utviklar seg utover i handlinga
kva du trur vil skje med Claude vidare i livet
Vis til konkrete døme frå filmen for å støtte opp om analysane dine.
2. Scenebeskrivingar
Skriv ein kort tekst der du beskriv kvar av desse to scenane frå filmen.
Få med heilskapen og viktige detaljar om omgivnadene og atmosfæren i tillegg slik at lesaren får ei kjensle av å vere til stades i det du beskriv.
3. Kreative skriveoppgåver
Skriv ei novelle med same tematikk og karakterdynamikk som i filmen. La deg inspirere av relasjonen mellom Germain og Claude.
Desse tre oppgåvene er inspirerte av skriveoppgåvene som Germain gir elevane sine i filmen. Vel ei av dei.
Skriv ein stil med denne tittelen: "48 timar i livet til ein 16-åring".
Skriv ein kreativ tekst på inntil éi A4-side der du bruker følgande adjektiv: begeistra, annleis, vanleg, bra, konsentrert, liten, fantastisk.
Skriv eit portrett av den beste vennen din.
4. Til refleksjon
Skriv ein reflekterande tekst der du analyserer di eiga tilnærming til skriving. Refleksjonen skal ta utgangspunkt i skriveoppgåvene du jobba med over.
Refleksjonen bør innehalde
nokre tankar rundt kva oppgåver du likte å jobbe med, og kva oppgåver du eventuelt ikkje likte like godt
ei beskriving av kva utfordringar du møtte undervegs
refleksjon over om du ville ha gjort noko annleis dersom du skulle ha jobba med oppgåvene på nytt