Fagartikkel

Namn på hjørne og sider i trekantar

I systemet for namnsetjing av hjørne og sider i trekantar, bruker vi stor og liten versjon av bokstavane a, b og c.

Gamle målemetodar. Illustrasjon. — Bilete: Science Photo Library, NTB scanpix / CC BY-NC-SA 4.0

Det er lurt å ha eit system når vi set namn på hjørne og sider i trekantar. Hjørna namngir vi med store bokstavar, og sidene med små bokstavar. A kan òg vise til vinkelen A eller $∠ A$ .

I staden for trekant ABC skriv vi ofte $Δ A B C$ .

I $Δ A B C$ kallar vi sida BC for $a$ , sida AC for $b$ og
sida AB for $c$ .

Rettvinkla trekant ABC der liten a er motståande side til vinkel stor A og tilsvarande for dei to andre vinklane. Illustrasjon. — Bilete: Bjarne Skurdal / CC BY-NC-SA 4.0

Finn du systemet?

Sida $a$ er den motståande sida til hjørnet A, sida $b$ er den motståande sida til hjørnet B, og sida $c$ er den motståande sida til hjørnet C. Dette gjeld anten trekanten er rettvinkla som på figuren over, eller ikkje.

Finn du systemet?

Reglar for bruk av teksten "Namn på hjørne og sider i trekantar"