Fagartikkel
Tjuveri
Tjuveri utgjer ein stor del av svinnet til handelsnæringa. Årleg blir det stole for fleire milliardar kroner frå norske butikkar.
Bilete: Lars Bahl / CC BY-NC 4.0
Reglane om tjuveri finn vi i straffelova § 321 (om tjuveri) og § 322 (om grovt tjuveri). Det er vanleg å skilje mellom kundetjuveri og personaltjuveri.
I grove trekk kan vi seie at det hovudsakleg er
- profesjonelle
- personar som stel på impuls eller for å oppleve spenning
- rusmisbrukarar
- gjengar
Folk stel ved å
- fjerne alarmar
- manipulere alarmar
- putte varer i lommer som er sydde inn i kleda deira
- leggje varer i barnevogner
- ta på seg fleire plagg
- byte gamle sko med nye
- ete og drikke ubetalte varer mens dei handlar
Desse praktiske tiltaka kan butikkar bruke for å hindre tjuveri:
- Lag gode rutinar og gi dei tilsette god opplæring.
- Lær dei å smile og seie hei til alle kundar.
- Kjenn til svinnhjulet. Bli klar over kva som kan forårsake svinn på dei ulike stadene varene passerer.
- Monter sladrespeglar i butikken.
- Unngå høge hyller.
- Kjenn til metodar for å stele.
- Gå rundt i lokalet for å følgje med på det som skjer.
- Leig inn vektarar til å passe på.
- Ha god orden i lokala.
- Verdset dei tilsette, slik at dei føler ansvar og ikkje stel på jobben.
- Lag etiske retningslinjer. Bli klar over kva konsekvensar det har å stele på jobben.
Eit smil er gull verdt
Ei sur og stressa betening er tjuvens venn. Det mest førebyggjande tiltaket kan dei tilsette stå for, nemlig å alltid smile og seie “hei” når det kjem kundar inn i butikken.