Etter at de no har de sett korleis havforskarar jobbar, og diskutert og fått fram idear om havforsuring, skal de byrje å byggje opp ein modell i SageModeler.
Modell – første utkast
Modellen skal innehalde dei viktigaste faktorane som gjeld det sentrale spørsmålet: «Korleis påverkar CO₂ havet og organismane som lever der?»
Oppgåve
- Legg til dei faktorane de kjenner til (på dette tidspunktet).
- Lag koplingar mellom årsakene som påverkar kvarandre.
- Still inn kva samanheng det er mellom årsakene.
NB! På dette tidspunktet vil modellen sannsynlegvis vere veldig uferdig. Du får snart sjansen til å lære meir om havforsuring, og kan bruke kunnskapen til å forbetre modellen din, åleine og saman med andre. Etter fleire rundar med revurdering vil du få ein modell som blir betre.
Lag første utkast til modell (concord.org)
Oppgåve
I par eller små grupper: Vis kvarandre modellane de har laga, og diskuter.
- Kva er bra med modellen?
- Kva for nokre forbetringar kan gjerast?
- Forklarer modellen det vi ønskjer å undersøkje?
Forslag til moment de kan diskutere:
- Er variablane viktige for det sentrale spørsmålet?
- Er variablane nøytrale og målbare?
- Er riktige variablar kopla saman (påverkar den eine variabelen den andre?)
- Er variablane kopla saman riktig (frå årsak til verknad?)
- Er samanhengen mellom variablane slik de hadde tenkt (i kor stor grad påverkar den eine variabelen den andre?)
- Påverkar variablane kvarandre direkte (sjå figur)?
- Kva i modellen er de usikre på?
- Finst det data som kan underbyggje gjettingar de har gjort?
CC BY-NC-SASkrive av Tom Bielik, Dan Damelin og Steve Roderick. Rettshavarar: The Concord Consortium og CREATE for STEM Institute
Sist fagleg oppdatert 06.12.2019