Hopp til innhald

Oppgåver og aktivitetar

Forsøk: Laserlys i vasstråle

I dette forsøket skal du studere korleis lys oppfører seg i ein vasstråle.
Laserlys sendast gjennom ei plastflaske med vatn. Flaska har eit hol der lyset skal treffe og følgje vasstrålen som kjem ut. Illustrasjon.
Laserlyset skal gå gjennom plastflaska med vatn, og treffe holet og vasstrålen på den andre sida.
CC BY-SA
Bilete: Astrid Johansen

Utstyr

  • ein laserpeikar
  • eit stativ for å feste laserpeikaren
  • ei tom 1,5 liters plastflaske
  • noko kvast til å lage eit hol på om lag 3 mm i plastflaska
  • ein vask eller eit kar til å fange opp vassøl

Framgangsmåte

  1. Lag eit hol ganske langt nede på flaska. Få det så jamt rundt kanten som mogleg.
  2. Demp lyset i rommet, og fest laserpeikaren i eit stativ slik at laserstrålen treffer flaskeveggen på motsett side av holet.
  3. Plasser flaska sånn at vatnet som renn ut, landar i karet.
  4. Hald for holet, og fyll flaska med vatn.
  5. Lys med laserpeikaren sånn at lysstrålen følgjer vatnet ut av holet i flaska.

Kva skjer med lysstrålen på utsida av holet?

Kan du forklare det som skjer?

CC BY-SASkrive av Astrid Johansen.
Sist fagleg oppdatert 17.03.2020

Læringsressursar

Lys, lyd og bølgjefenomen