Ansvarleg forbrukar? - Marknadsføring og innovasjon (SR-SSR vg1) - NDLA

Oppgave

Ansvarleg forbrukar?

Vi veit at vi må ta vare på ressursane i verda for framtida. Men har du tenkt på korleis du som forbrukar kan hjelpe til med dette?

Kjolar i gult, grønt, oransje og svart heng på ei klesstong. Over klesstonga er det ei hylle med raude sko og over hylla eit bilete av ei ung kvinne som vi ser bakfrå sitjande på ein stol. Til venstre for klesstonga er det endå ei hylle. På den står det ei lampe med lampeskjerm, ein figur av ei kvinne kledd i raudt og ein liten koffert. Til høgre for klesstonga er det ei utkledd utstillingsdokke og under den diverse pyntegjenstandar på nok ei hylle. Bak det heile er det ein rosafarga vegg. Foto. — Kor ofte kjøper eller sel du brukte klede?

Filmar om forbruk

Sjå først episode 4 "Forbruk" i programmet Live redder verden – litt og klippet Elise undersøker miljø. Gjer deretter oppgåvene under.

Live redder verden – litt (29 min)

I denne episoden oppsøker Live menneske som på ulike måtar gjer ein innsats for å redusere sitt eige og andre sitt forbruk. Bli med på shoppestopp og bytedag, og lær korleis ein kan sy om klede eller lage høgtalarsko!

Elise undersøker miljø (4:26)

I klippet nedanfor gir Radical Broccoli-søstrene Susanne og Anette Bastviken klimatips til Elise Alexandra Gulbrandsen.

Video: VG / Avgrensa bruksrett

Oppgåver om forbruk

Oppgåve 1. Individuelt

Kva tenker du etter å ha sett episoden frå Live redder verden – litt og og klippet med Radical Broccoli-søstrene? Opprett eit dokument som du kallar "Forbrukaråtferd". Der skriv du ned dei første tankane du gjer deg om forbruk, og kva ein ansvarleg forbrukar er.

Oppgåve 2. I klassen

Diskuter tankane dykkar i klassen. Har de nokon refleksjonar som er felles?

Oppgåve 3. Individuelt

Korleis vil du beskrive deg sjølv som forbrukar? Noter nokre nøkkelord.

Oppgåve 4. I klassen

Diskuter om det er noko de har lyst til å forandre i forbrukaråtferda dykkar etter å ha sett episoden om forbruk. Diskuter òg kva kvar enkelt av dykk sjølve kan gjere for at vi skal oppnå eit berekraftig forbruk.

Oppgåve 5. I grupper på to eller tre

Lag ei tidslinje over korleis de trur forbrukaråtferda vil utvikle seg frå vår tid og fram til 2050. Del gjerne tidslinja inn i 5-årsintervall, til dømes 2015–2020–2025 og så vidare. Bruk fantasien og informasjon de finn på nettet. Legg gjerne til bilete og videoar i tidslinja dykkar. Kva trur de vil prege forbrukaråtferda i framtida?

Verktøy for å opprette ei tidslinje

Slik kan du opprette ei tidslinje ved hjelp av Smartart.

Oppgåve 6. I klassen

Alle gruppene presenter tidslinja si for klassen. Finn de likskapar? Diskuter ulikskapane.