Hopp til innhald
Oppgåve

Marknadsføringskampanje

I denne oppgåva skal du lage ein marknadsføringskampanje for eit sjølvvalt produkt, eit reisemål eller noko du brenn for.
Varmluftsballong med reklame, med blå himmel i bakgrunnen. Foto.
Bilete: Tore Wuttudal / CC BY-NC-SA 4.0

Forarbeid

Finn informasjon om produktet du har valt, til dømes kven som er målgruppa, kva bodskap som blir brukt i marknadsføringa, og kva kanalar som blir brukte. Bruk informasjonen du finn, som utgangspunkt, og tenk på korleis du kan treffe målgruppa endå betre i ein ny kampanje for produktet.

Del 1

Planlegg ein kampanje for eit sjølvvalt produkt, eit reisemål eller noko du brenn for.

  • Følg framgangsmåten i artikkelen Planleggje ein enkel marknadsføringskampanje.
  • Beskriv kort kva som kjenneteiknar produktet du har valt.
  • Vel målgrupper, og grunngi valet.
  • Gi døme på aktivitetane du vil bruke for å nå dei aktuelle målgruppene.

Del 2

Lag materiell til kampanjen, anten plakat, utkast til ei nettside eller annonsar til sosiale medium.

Cecilia Brækhus sit i hjørnet av bokseringen og blir sminka under innspelinga av ein reklamefilm for VitaePro. Foto.
Bilete: Espen Sjølingstad Hoen / CC BY-NC-SA 4.0

Del 3

  • Presenter kampanjen for klassa, og få tilbakemeldingar.
  • Gjer endringar i planen etter å ha fått tilbakemeldingar.

Relatert innhald