Oppgåve
Kundemøte på nettsider
Stadig fleire kundemøte skjer på nettsida til bedriftene. Kva slags møte ønskjer du at kundane dine skal få med bedrifta di?
Bilete: Jens Kalaene / CC BY-NC-SA 4.0
Gå inn på nettsida til Tripadvisor.
- Søk opp hotell i nærområdet ditt. Kva slags omtale har dei fått?
- Søk opp eit hotell du sjølv har budd på. Er du samd i omtalen det har fått?
- Vurder kor viktig Tripadvisor er som «ansikt utetter» for ei bedrift.
- Kva trur du er viktig for å få god omtale?
Tenk deg at du jobbar i ei bedrift som ønskjer å nytte Facebook til å kommunisere med kundane.
- Kvar i organisasjonen meiner du denne oppgåva bør liggje? Grunngi svaret.
- Korleis bør organisasjonen leggje opp rutinane for at dette skal bli eit godt verktøy for dei?
Mange butikkar har eit kundefordelsprogram som del av kundeservicen sin.
- Forklar kva eit kundefordelsprogram er, og gi døme på butikkar i nærmiljøet som har eit slikt tilbod til medlemmene sine.
Hent inn opplysningar om ei bedrift som tilbyr eit kundefordelsprogram. Lag ein presentasjon som tek for seg følgjande:
- kort om bedrifta
- om kundefordelsprogrammet deira
- kva du synest er bra med kundefordelsprogrammet
- forslag til utvidingar eller forbetringar