Hopp til innhald

Fagstoff

Stoff og blandingar

Vi omgir oss med kjemiske stoff heile tida. Nokre kan vere farlege for oss, mens andre stoff er både nyttige og naudsynte. I det framtidige yrket ditt vil du møte stoff og blandingar med alle desse eigenskapane.
Små hauger av ulike stoffer i pulverform. Foto.
Opne bilete i eit nytt vindauge
Små hauger som består rene stoffer stoff. Hvis du blander dem sammen, får du en blanding som består av disse stoffene. Tror du det er mulig å skille stoffene fra hverandre, etter at du har blandet dem?
CC BY-NC
Bilete: Science Photo Library, NTB scanpix

Stoff er bygde opp av atom

Alle stoff og materiale er bygde opp av mindre partiklar: atom, ion og molekyl. Partiklane blir tiltrekte av kvarandre og held saman i større eller mindre grad. Dette er grunnlaget for eigenskapar og reaksjonar hos ulike stoff og materiale.

Diskuter

Kva stoff er viktige i det framtidige yrket ditt?

Reine stoff eller blandingar

Vi deler gjerne stoffa inn etter om dei er reine stoff eller blandingar. Reine stoff er anten grunnstoff eller kjemiske sambindingar.

Rene stoff: grunnstoff eller kjemiske sambindingar

Grunnstoff består av berre éin type atom, mens kjemiske sambindingar består av to eller fleire typar atom som er bundne saman kjemisk.

  • døme på grunnstoff: hydrogen (H), oksygengass (O2), karbon (C) og jern (Fe)

  • døme på sambindingar: druesukker (C6H12O6), vatn (H2O) og rust (Fe2O3)

Visste du at ...

det i gjennomsnitt blir oppdaga 100 000 nye sambindingar – kvar månad?

Blandingar

I blandingar har vi fleire grunnstoff og/eller sambindingar som er blanda saman mekanisk, og stoffa er ikkje bundne saman kjemisk.

Døme:

  • Sand er ei blanding av ulike partiklar av mineral.

  • Råolje er ei blanding av ulike typar hydrokarbon som parafin, diesel og bensin.

  • Stål er ei blanding av jern og karbon.

  • Treverk/ved består av cellulose, hemicellulose, lignin, kvae og fleire andre sambindingar.

Legg merke til at alle reine stoff kan skrivast med kjemiske formlar fordi det alltid er eit bestemt mengdeforhold mellom dei ulike grunnstoffa. Til dømes H2 og CO2. Luft, som er ei blanding av fleire stoff, kan ikkje skrivast med ein kjemisk formel.

Flytdiagram som viser inndeling av stoff. Dei to hovudkategoriane er reine stoff og stoffblandingar. Innanfor reine stoff skil vi mellom grunnstoff og sambindingar. Grunnstoff kan vere anten metall, halvmetall eller ikkje-metall. Sambindingar kan vere anten organiske eller uorganiske. Illustrasjon.
Opne bilete i eit nytt vindauge
Stoffer som tilhører samme gruppe, har likhetstrekk i oppbygning og vil derfor ha en del egenskaper som er nokså like. Når vi skal undersøke stoffer og blandinger, er det derfor lurt å ta for seg gruppe for gruppe, og sammenligne ulike grupper med hverandre.
CC BY-SA
Bilete: Thomas Bedin

Kvifor treng vi å vite noko om eigenskapane til stoff?

Liten boks som inneholder tabletter med virkestoffet marevan. Foto.
CC BY-NC-SA
Bilete: Jens Sølvberg

I det framtidige yrket ditt vil du sannsynlegvis kome i situasjonar der du må følgje ein bestemt framgangsmåte. Det er gitt på førehand kva stoff og materiale du skal bruke, og korleis du skal behandle dei.

I nokre yrke er det slike situasjonar det er flest av, mens ein i andre yrke jobbar meir «fritt». Uansett yrke vil du kome opp i situasjonar der du må «tenkje sjølv». Kanskje må du lage noko som ingen har laga før? Kanskje får du ikkje tak i det materialet du hadde tenkt å bruke, slik at du må finne ei erstatning? Nokre gonger må vi vurdere funksjonalitet, pris og utsjånad opp mot kvarandre.

Dessutan er produkt og prosedyrar i stadig endring. For å kunne utvikle og forbetre produkt treng vi kunnskap om og erfaring med dei stoffa vi allereie kjenner til, og nye stoff som blir utvikla og oppdaga.

Diskuter

Ordet «stoff» blir brukt ulikt og med ulik betyding i ulike situasjonar. Finn døme på ulik bruk i daglegtale og yrke. Kor mange døme på ulik bruk klarer de å finne?

Oppgåver

Flytt orda til rett plass i tankekartet

Sorter stoffa. Er dei blandingar eller reine stoff?

Kjelder

Grøn, Ø. (2019, 30. juli). Blanding. I Store norske leksikon https://snl.no/blanding

Millgate House Education og Naturfagsenteret. (u.å.). Kva er eit reint stoff? Hentet 18.4.2023 fra https://www.naturfag.no/grubleoppgave/vis.html?tid=2177543

Pedersen, B. (2018, 7. juni). Forbindelser – kjemi. I Store norske leksikon https://snl.no/kjemisk_forbindelse

CC BY-SASkrive av Thomas Bedin.
Sist fagleg oppdatert 18.04.2023

Læringsressursar

Stoff og materiale