10 tips i møte med munnlege informasjonskjelder

Finn ut mest mogleg om den du skal møte.
Gjer meir enn eit kjapt Google-søk. Snakk med andre som kjenner personen eller tema du skal snakke om.

Forsøk å ringe kjelda di i staden for å sende e-post, SMS e.l.
De får betre kontakt, og kjelda di må svare deg kjapt.

Presenter deg ordentleg med fullt navn, alder og skule og forklar kvifor du vil snakke med personen.

Sørg for at du kan stave namnet rett, og eventuell jobbtittel. Lag ein plan for kva du vil spørje om. Skriv ned nokre gode, opne spørsmål.

Møtet bør finne stad på ein plass der de kan få sitje uforstyrra utan for mykje støy rundt dykk.

Pass på tida og sørg for at du ser presentabel ut. Hugs å handhelse når de møtest, og takke kjelda for at han/ho vil stille opp.

Du bør ta opp kva kjelda seier i tillegg til å skrive notat. Pass på at opptaket fungerer før du set i gang. Ta med ekstra ladar eller batteri.

Altfor mange gløymer å lytte godt til den dei snakkar med. Få med deg det som blir sagt, så du kan stille gode oppfølgingsspørsmål.

Legg frå deg mobiltelefonen og andre ting som kan forstyrre deg. Vis tydeleg med kroppsspråket ditt at du er fullt konsentrert om den du pratar med.

Før du takkar pent for møtet, dobbeltsjekk gjerne med kjelda di viss det er noko informasjon du framleis er usikker på.