Ungdommar i dag bruker mykje tid på sosiale medium. Kva konsekvensar får det? I denne oppgåva skal du skrive ein drøftande tekst der du går inn på dette spørsmålet: Korleis påverkar sosiale medium ungdommar i dag?
Tenk over
Korleis blir du påverka av sosiale medium?
Oppgåve
Du skal skrive ein drøftande tekst der du tek for dette spørsmålet:
Korleis påverkar sosiale medium ungdommar i dag?
- I teksten kan du gå inn på både negative og positive sider av korleis sosiale medium påverkar ungdommar.
- Teksten skal vere på to–tre A4-sider.
- Vis til ulike argument og konkrete eksempel.
- Gjer research på temaet. Finn og vurder skriftlege kjelder du kan bruke i din eigen argumentasjon. Sjå korleis du kan gå fram i den relaterte artikkelen under.
Relatert innhald
Slik kan du byggje opp teksten
- Innleiing: Gi ein kort presentasjon av temaet du skal drøfte.
- Hovuddel: I hovuddelen drøftar du. Her skal du vise til ulike sider ved spørsmålet. Bruk gjerne eit avsnitt til kvart hovudsynspunkt.
- Konklusjon: Her skal du samanfatte kort kva du har kome fram til gjennom drøftinga.
- Kjelder: Før ei liste med kjelder til slutt.
Relatert innhald
CC BY-SASkrive av Eva Sophie Wolff-Hansen.
Sist fagleg oppdatert 23.06.2020