Mediedeltaking og medborgarskap handlar om mediebruk og rolla di som aktiv og kritisk deltakar i media. Kva moglegheiter og ansvar følger rolla? Du skal drøfte grunnleggande problemstillingar knytte til demokrati og ytringsfridom og sjå på korleis media påverkar individ og samfunn.

Ytringsfridom er ein føresetnad for demokratiet vårt. Dette emnet gir deg kunnskap om denne grunnleggande retten. Du får innsikt i ulike problemstillingar knytte til ytringsfridom, og du lærer korleis du kan komme gjennom med stemma di og bruke ytringsfridommen på ein aktiv og forsvarleg måte.