Oppgåve
Materiale i mobilkroppen
Ein mobiltelefon består av mange delar. Den delen vi held i, sjølve mobilkroppen, er kanskje den største. Kva for materiale bør mobilkroppen vere laga av – viss vi skal lage ein berekraftig mobil?
Aluminium blir brukt i mange mobiltelefonar. Finst det alternativ som er meir berekraftige? Bilete: Reuters / CC BY-NC-SA 4.0
Sjølve mobilkroppen er vanlegvis laga av metall, glas, plast eller eit keramisk materiale. Lag ei oversikt over fordelar og ulemper ved dei ulike materiala med tanke på
- utsjånad
- funksjonalitet
- pris
- berekraft
- Viss berekraft var det viktigaste kriteriet, kva for materiale ville du valt? Forklar valet ditt.