Mediedeltaking og medborgarskap handlar om mediebruk og rolla di som aktiv og kritisk deltakar i media. Kva moglegheiter og ansvar følger rolla? Du skal drøfte grunnleggande problemstillingar knytte til demokrati og ytringsfridom og sjå på korleis media påverkar individ og samfunn.

Desinformasjon er informasjon frå avsendarar som medvitne prøver å fordreie fakta. Slik informasjon blir i vår tid raskt spreidd via sosiale medium. Desinformasjon utgjer ein trussel mot demokratiet. I dette emnet lærer du korleis du kan avsløre falske nyheiter, konspirasjonsteoriar og propaganda.