Hopp til innhald

Fagstoff

Genetisk kode – oversikt

Diagrammet og tabellen viser korleis tre og tre nitrogenbasar i mRNA er kodar for bestemde aminosyrer.

Sirkulært diagram som representerer den genetiske koden. Diagrammet har tre konsentriske sirklar med ulike fargar og bokstavar. Den inste sirkelen har fire seksjonar som viser dei fire nukleotida som bygger opp DNA og RNA: adenin, guanin, cytosin og uracil. Utanpå kvar seksjon ligg fire nye seksjonar med dei same nukleotida. Slik gjentek det seg ein gong til. Den ytste sirkelen har seksjonar som viser aminosyrene som tilsvarar den kombinasjonen av nukleotid ein har følgt, frå inst og ut hit. Diagrammet er ein måte å visualisere korleis den genetiske informasjonen blir omsett til protein. Illustrasjon. — Diagrammet viser kva for aminosyre kvar triplett (kodon) i mRNAet er kode for. Dei fire nitrogenbasane kan kombinerast på 64 ulike måtar. Desse utgjer kodane som ligg etter kvarandre på mRNA-et. Sidan det er mange fleire kodar (64) enn aminosyrer (20), vil fleire av triplettane vere kode for same aminosyra. Oftast er berre den siste basen ulik. Det finst òg eigne kodar for stopp og start.

Aminosyrer og kodon
Aminosyre	Forkortelse	Kodon
alanin	Ala	GCU, GCC, GCA, GCG
arginin	Arg	CGU, CGC, CGA, CGG, AGA, AGG
asparagin	Asn	AAU, AAC
asparaginsyre	Asp	GAU, GAC
cystein	Cys	UGU, UGC
glutaminsyre	Glu	GAA, GAG
glutamin	Gln	CAA, CAG
glysin	Gly	GGU, GGC, GGA, GGG
histidin	His	CAU, CAC
isoleucin	Ile	AUU, AUC, AUA
leucin	Leu	UUA, UUG, CUU, CUC, CUA, CUG
lysin	Lys	AAA, AAG
metionin, START	Met	AUG
fenylalanin	Phe	UUU, UUC
prolin	Pro	CCU, CCC, CCA, CCG
serin	Ser	UCU, UCC, UCA, UCG, AGU, AGC
treonin	Thr	ACU, ACC, ACA, ACG
tryptofan	Trp	UGG
tyrosin	Tyr	UAU, UAC
valin	Val	GUU, GUC, GUA, GUG
STOPP	STOPP	UAA, UAG, UGA

Kjelder

Genetisk kode. (2023, 9. januar ). I Wikipedia. https://no.wikipedia.org/wiki/Genetisk_kode

Heiberg, A. (2019, 17. juni). Kodon. I Store norske leksikon. https://sml.snl.no/kodon

CC BY-SASkrive av Kristin Bøhle.

Sist fagleg oppdatert 23.11.2023

Læringsressursar

Verktøy