Forsøk
Forsøk: Haldbarheita til snittblomstrar
Når vi kjøper snittblomstrar, vil vi gjerne at dei skal vare så lenge som mogleg. Undersøk kva faktorar som påverkar haldbarheita til blomstrar.
Bilete: Jean-Paul Chassenet / CC BY-NC 4.0
Formålet er å undersøkje kva faktorar som verkar inn på haldbarheita til snittblomstrar.
- Kva faktorar trur de påverkar haldbarheita til snittblomstrar? Diskuter.
- Vel ut éin eller fleire faktorar som de undersøkjer nærare.
Nokre aktuelle problemstillingar kan vere:
- Bør blomstrane stå i oasis eller vase?
- Kor regelmessig/uregelmessig bør dei vatnast?
- Bør ein bruke blomsternæring eller ikkje?
- Kva bør temperaturen på vatnet vere?
- Kva bør temperaturen i rommet vere?
- Lag ein rapport eller presentasjon av det de finn ut.
- Bruk det de finn ut, til å lage eit lite kort eller ein liten lapp med haldbarheitsråd som kan festast på snittblomstrar når dei blir selde.