Forsøk: Stereolupe – innstilling og bruk
Det kan vere nyttig å ha ein skriftleg instruks når du skal lære å behandle stereoluper riktig. Desse punkta er eit forslag til ein slik instruks.
Du kan få fine bilete ved å fotografere med mobiltelefon gjennom okularet på ei stereolupe. Bilete: Alex Strømme / CC BY-NC-SA 4.0Tenn lyset. Bruk overlys og den minste forstørringa først.
- Juster avstanden mellom okulara, slik at han passar til auga dine.
- Legg til dømes ein mynt på plata under objektiva.
- Bruk fokuseringsskruen, og set hovudet med okulara i lågaste stilling.
Sjå ned i okulara og lyft okularhovudet til du ser mynten tydeleg.
Bruk no eitt auge om gongen og sjå om mynten blir like skarp for begge auga. Viss ikkje må okulara justerast.
I tillegg til fokuseringsskruen som beveger objektiva, kan også det eine okularet fokuserast med ein såkalla diopter-ring.
- Begynn med det okularet som ikkje har diopter-ring.
- Lukk det eine auget, og bruk fokuseringsskruen til du får eit skarpt bilete av mynten.
- I det andre okularet bruker du diopter-ringen til å få eit skarpt bilete for det andre auget.
- Bruk no begge auga, og juster avstanden mellom okulara til du får eit samanfallande, tredimensjonalt bilete av mynten.
Vassnymfelarve i stereolupe. Bilete: Kristin Bøhle / CC BY-SA 4.0No kan du endre forstørring ved å skifte objektivpar. Dei sit i trommelen nedst på hovudet. Drei på trommelen til du høyrer eit lite knepp.
Nokre stereoluper har zoom i staden for fleire objektivpar, slik du ser på det øvste biletet.- Bruk skruen til å justere skarpleiken, sidan det forstørra biletet ikkje nødvendigvis er like skarpt over alt.
- Viss du ser på gjennomsiktige preparat, kan du bruke underlyset. På somme stereoluper er det mogleg å bruke over- og underlys samtidig.
- Før du set bort lupa, må du alltid tørke av eventuelt vassøl og leggje over støvhette.
Relatert innhald
Teknologiutviklinga opnar for mange nye moglegheiter til å bruke mobiltelefon i undervisninga i naturfag og biologi.