Vurder salsmiljø og utform tiltak

Ta med noko å skrive på eller noter på telefonen

Oppsøk ein butikk i nærområdet og presenter dykk høfleg. Spør om det er greitt at de gjer ei lita undersøking og kanskje tek nokre bilete (ikkje av personar).

Noter ned følgjande:

• Korleis opplever de det ytre salsmiljøet til butikken?

• Korleis opplever de det indre salsmiljøet til butikken?

• Korleis opplever de servicen til butikken?

• Er det spesielle ting de legg merke til?

• Er det noko i butikken som viser tilknyting til ein annan salskanal, til dømes eigen nettbutikk/nettside?

Når de kjem tilbake til klasserommet, kan de diskutere heilskapsinntrykket av butikken.

Skriv ein liten presentasjon av butikken ut ifrå det de fann ut når de var på besøk.

Ta utgangspunkt i det de fann ut i oppgåve 1 og skriv ein rapport om butikken. Rapporten må ha med kva som var bra og mindre bra når det gjeld:

• service

• reinhald

• orden

• marknadsføring

• den totale kundeopplevinga

Rapporten skal òg innehalde tre tips til betre service.

Rapporten kan leggjast ved presentasjonen frå den første oppgåva.

Bruk fantasien i denne delen.

Butikken ønskjer vekst og vil satse på meirsal og gjensal. Bruk teikneprogrammet Sweethome 3D og lag ei skisse av det indre og ytre miljøet til butikken, utan innreiing.

Teikn eit nytt utkast til korleis butikken kan sjå ut. Det nye utkastet skal innehalde eit salstorg, som skal fremje salet for eit sjølvvalt produkt frå butikken.

Dette produktet skal vere ei kampanjevare i fire veker, og de må sjølv tenkje kva andre produkt som kan framhevast som meirsalsprodukt.

Utarbeid og lag forslag til eit salsfremjande innlegg for denne aktiviteten på sosiale medium, til dømes Snapchat eller Instagram.

Lag ei fin framvising for kvarandre der de grunngir vala dykkar.

Lykke til!