Oppgave
Marknadsføringskampanjar mot ei ung målgruppe
Kva kjenneteiknar ein vellykka marknadsførings-kampanje mot ei ung målgruppe? I denne oppgåva skal du reflektere over dette med utgangspunkt i døme på marknadsføringskampanjar for Høyskolen Kristiania og Burger King.
Kva slags marknadskommunikasjon appellerer til deg? Bilete: Maskot, NTB / CC BY-NC 4.0
Forklar omgrepa:
Marknadskommunikasjon
Marknadsføringskampanje
Marknadssegmentering
Målgruppe
Forbrukaråtferd
Medievanar
Vi får eit innblikk i korleis mediebyrået Starcom jobbar med å utarbeide kampanjar. I filmen ser vi døme frå arbeid med marknadssegmentering og målgruppetenking i samband med kampanjar for Høyskolen Kristiania og Burger King. Video: Terranova Media / CC BY-NC-ND 4.0
Sjå filmen ovanfor, og skriv notat undervegs.
Reflekter over suksesskriteria til Høyskolen Kristiania og Burger King sine marknadsføringskampanjar, som du høyrde om i filmen ovanfor.
Ta gjerne òg ein kikk på filmane som du finn lenkjer til nedanfor.Vis korleis forbrukaråtferda og medievanane til målgruppa er tekne omsyn til.
Drøft påstanden:
"Ungdom er den vanskelegaste målgruppa å engasjere og nå ut til."
Skriv ein tekst med overskrifta "Ti tips for ein vellykka marknadsføringskampanje".