Oppgåve
Nautisk mil og knop
På sjøen snakkar vi om den nautiske mila. Ei nautisk mil er 1852 meter. Når vi snakkar om fart på sjøen, nyttar vi knop. 1 knop betyr éi nautisk mil per time. På land snakkar vi om kilometer per time. I denne oppgåva skal vi rekne på fart og avstand til sjøs.
Sjøkart. Bilete: Espen Braata / CC BY-NC 4.0
Kor lang tid tek seglasen når farten er 7 knop og distansen er 21 nautiske mil?
Seglasen tek: 21 nautiske mil (nm) / 7 knop (kn) = 3 timar.
Kor lang tid bruker du på 7 nautiske mil når farten er 10 knop?
Hugs at det er 60 minutt i ein time.
7 nm / 10 knop = 0,7 timar. 0,7 x 60 = 42 minutt.
- Ein reknar ut utseglt distanse. Kor mange nautiske mil legg vi bak oss på 12 timar viss båten går med 9 knop?
- Klokka er 17.00. Vi skal vere i land med fangst om 14 timar. Distansen er 110 nautiske mil. Kva er klokka når vi legg til kai, og kva er gjennomsnittsfarten?
- Kva kan vere lågaste fart vi må ha for å vere i land klokka 08.00 neste morgon?
- På ein båt med marsjfart på 10 knop kan ein halvere drivstofforbruket ved å redusere farten til 8 knop. Når vi køyrer i 10 knop, er drivstofforbruket 80 liter per time. Prisen er 12 kroner per liter. Kor mykje har vi spart i liter og kroner ved å redusere farten frå 10 til 8 knop?