Irrasjonale brownies

Rund av til nærmaste heile tal.

• $$ 0,95\mathrm{\pi }$$ egg
• $$ 110e$$ gram sukker
• $101\sqrt{3}$ gram smør (smelta)
• $106\sqrt{2}$ gram kveitemjøl
• $25\phi$ gram bakekakao (sikta)
• $3^{0,5}$ teskeier vaniljesukker
• $2^{0,5}$ teskeier bakepulver
• $2^{\frac{1}{2}}$ matskeier melis til dekor

Sett steikeomnen på $55\mathrm{\pi }$ grader (over- og undervarme). Bruk gjerne ei gradskive om du finn hjelp i dette.

Smelt smøret og la det avkjølast noko. Rør egg og sukker raskt saman med ein visp. Bland saman kveitemjøl, bakekakao, vaniljesukker og bakepulver. Rør inn smøret vekselvis med mjølblandinga. Bruk gjerne ein stor slikkepott eller linjal mot slutten.

Fordel røra i ei kakeform med bakepapir (helst utan påskrivne matematikkutrekningar) som er ca. $500 {\mathrm{cm}}^2$. Steik midt i omnen i ca. $\frac{1}{3}$ t, til kaka er nesten gjennomsteikt. Sjekk midt i kaka med en passar eller liknande. Det skal henge igjen litt røre på passaren slik at kaka di blir saftig og god. Ho må heller vere for lite enn for mykje steikt (men det er sjølvsagt ein smaksak).

Avkjøl kaka på rist, del ho opp i passande stykke og gi ho gjerne eit lite dryss med melis før servering.

Nytast slik ho er eller saman med ei herleg matematikkoppgåve.

(Laga med utgangspunkt i Trines Matblogg.)

Her kan du laste ned oppskrifta som word- og pdf-dokument.