Programmering med eigendefinerte funksjonar

Vi ønskjer å lage eit program som reknar ut $f\left(0\right)$ for funksjonen

$f\left(x\right)=2x+1$

For å øve på bruk av eigendefinerte funksjonar i Python, skal vi lage ein eigendefinert funksjon med namnet f som kan rekne ut funksjonsverdiar for oss.

a) Algoritme

Skriv algoritmen til eit slikt program og til funksjonen f. Hugs å få med tekstar som forklarer brukaren av programmet kva programmet gjer.

b) Koding

Skriv koden til programmet etter algoritmane ovanfor.

Vi ønskjer å lage eit program som med funksjonen $f\left(x\right)=2x+1$ reknar ut 3 funksjonsverdiar som brukaren skriv inn.

a) Algoritme

Skriv algoritmen til eit slikt program. Hugs å få med tekstar som forklarer brukaren av programmet kva programmet gjer.

b) Koding

Skriv koden som passar til algoritmen over. Prøv først med å bruke vanlege variablar. Prøv etterpå å lage programmet ved å lagre $x$-verdiar og funksjonsverdiar i kvar si liste.

Nokre elevar i ei klasse har laga eit program som skal rekne ut funksjonsverdiar for funksjonen

$$ f\left(x\right)=x^2+2x$$

Ingen av dei får programmet til å køyre. Kan du finne ut kva som er feilen i programma? Skriv ned kva for linje som har feil, og kva som er feilen. Til slutt: Skriv eit program som virkar.

Lisa sitt program:

def f(x):
$$ $$return x**2+2x
print(f(3))

Rikard sitt program:

def f(x):
$$ $$return x**2+2*x
print f(3)

Per sitt program:

def f(x)
$$ $$return x**2+2*x
print(f(3))

Leif sitt program:

def f(x):
$$ $$x**2+2*x
print(f(3))

Rolf sitt program:

def f(x):
$$ $$return x^2+2*x
print(f(3))

Tale sitt program:

def f(x):
$$ $$return x**2+2*x
print(f)

Gunnar sitt program:

def f(x):
return x**2+2*x
print(f(3))

Vi ønskjer å lage eit program som lagar ein verditabell med funksjonen $f\left(x\right)=2x+1$ der brukaren skriv inn kva som er største og minste $x$-verdi i tabellen.

a) Algoritme

Skriv algoritmen til eit slikt program. Hugs å få med tekstar som forklarer brukaren av programmet kva programmet gjer.

b) Koding

Skriv koden til programmet.