Programmering med lister
AP-60
Vi tek opp att tråden frå aktivitetane i artikkelen Lister, der vi endar opp med eit program som reknar ut gjennomsnittet av 4 tal brukaren av programmet skriv inn.
a) Vurdering
Vi ønskjer at brukaren kan bestemme kor mange tal som skal skrivast inn når gjennomsnittet skal reknast ut. På kva måte kan vi få til dette?
Løysingsforslag
Vi kan få dette til ved
- at brukaren først skriv inn kor mange tal som skal skrivast inn
- at brukaren skriv inn til dømes ein "s" etter at det siste talet er skrive inn
b) Algoritme
Vel éin av dei to metodane frå a), og skriv om på den siste algoritmen frå aktivitetane lengst nede i artikkelen Lister slik at vi får oppfylt ønsket frå oppgåva ovanfor.
c) Koding
Skriv koden til eit program som passar til algoritmen over.
AP-61
![Utsnitt av ordsky på bokmål. Ordskya er ei framstilling som visualiserer ei viss mengde tekstdata. Jo fleire gonger eit ord er brukt, jo større blir det i ordskya. Dei største orda i denne ordskya er "digitale", "NDLA", "undervisningen", "verktøy" og "videregående". Illustrasjon.](https://api.ndla.no/image-api/raw/Skjermbilde%202012-01-26%20kl.%2022.47.10.png?width=1024&cropStartX=98.69202867066119&cropEndX=0.528186862751589&cropStartY=85.30120144815423&cropEndY=17.171871194112658)
a) Algoritme
Vi ønskjer å lage eit program som kan telje kor mange ord det er i ei setning som brukaren skriv inn.
Skriv algoritmen til eit slikt program.
b) Koding
Skriv koden til eit program som passar til algoritmen over.
AP-62
a) Algoritme
Vi ønskjer å lage eit program som lèt brukaren skrive inn ei setning. Brukaren skal deretter skrive inn ein fritt vald bokstav. Programmet skal deretter finne ut kor mange det er av denne bokstaven i setninga og gi tilbakemelding om det.
Skriv ein algoritme som passar til denne beskrivinga.
b) Koding
Skriv koden til eit program som passar til algoritmen over.