Tillagingsmetodar
Kokt krabbe naturell er den tradisjonelle måten å servere krabbe på. Det vil seie kokt krabbe servert med litt majones, sitron, ferskt brød og smør.
Krabbekaker og peparkrabbe er andre velkjende rettar av krabbe. I tillegg kan du nytte krabbe som pålegg, i salatar, i supper og i pastarettar. Prøv gjerne råvara i nye smakskombinasjonar – her er det berre fantasien som set grenser.
Bedøve krabbe
Ifølge dyrevelferdslova er det forbode å koke dyr levande, og krabbene må derfor bedøvast eller avlivast før koking. Ei detaljert beskriving av korleis dette skal gjerast, finn du på Mattilsynet sine sider om bedøving av krabbe.
Koke krabbe
Har du fått tak i levande krabber, er det lurt å koke dei så fort som mogleg.
Kok opp ein kjele med vatn tilsett cirka 35–50 gram salt per liter vatn.
Bedøv krabbene.
Legg krabbene i det kokande vatnet, og lat det få eit nytt oppkok.
Senk temperaturen, og lat krabbene trekke rett under kokepunktet i cirka 20–25 minutt avhengig av storleiken. Du kan sjekke om krabbene er ferdige, ved å knekke av ei klo. Viss kloa fell lett av, er krabbene ferdige.
Ta opp krabbene, og lat dei avkjøle seg på rygg. Då held kjøttet seg saftig.
Reinse kokt krabbe
Servere kokt krabbe
Når du serverer kokt krabbe, kan du velje å reinse krabbene på førehand eller overlate den jobben til gjestane.
Viss vi serverer krabbe utan å knekke klørne først, må vi dekke opp med skaldyrtong. Skaldyrgaffelen høyrer med til eit krabbemåltid og er laga for å pirke kjøttet ut av klo og bein.